22 قىركۇيەكتە نۇر-سۇلتان قالاسىندا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ء(تسدياوم) bailanys.bar سەرۆيسىنىڭ ىسكە قوسىلعانىن جاريالادى. سەرۆيستىڭ مىندەتى - بۇكىل ەلدەر بويىنشا ينتەرنەتتىڭ ناقتى ساپاسىن ءبىلۋ جانە قوسىلۋ جىلدامدىعى تومەن اۋدانداردى انىقتاۋ. دەرەكتەر نەگىزىندە ينتەرنەتكە قولجەتىمدىلىك كارتاسىن جاساۋ جانە ءاربىر وڭىردە جەلىگە قولجەتىمدىلىكتى جاقسارتۋ جونىندەگى شارالار جوسپارىن قالىپتاستىرۋ جوسپارلانۋدا.
"بۇل سەرۆيس - قاجەتتى شارا. ءبىزدىڭ ەلدە ينتەرنەتى جوق نەمەسە جابىنى ءالسىز ايماقتار بار ەكەنىن تۇسىنەمىز. مۇنداي ايماقتار از ەمەس جانە ءبىزدىڭ نەگىزگى مىندەتىمىز وسىنداي ورىندار سانىن بارىنشا ازايتۋ. وسى قولدانبالى باعدارلاما بىزگە جەلىنىڭ ساپاسى, ينتەرنەت جىلدامدىعى بويىنشا بارىنشا وبەكتيۆتى دەرەكتەر الۋعا جانە اعىمداعى جاعدايدى جاقسارتۋعا مۇمكىندىك بەرەدى", – دەپ ءتۇسىندىردى قازاقستان رەسپۋبليكاسى تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى دارىن تۇياقوۆ.
Bailanys.bar گەولوكاتسيانى بولىسۋگە, ينتەرنەتكە قوسىلۋ جىلدامدىعىن تەكسەرۋگە جانە ولشەۋ ناتيجەلەرىن كورۋگە مۇمكىندىك بەرەدى. ەلدىڭ ەڭ شالعاي تۇكپىرلەرىنىڭ تۇرعىندارى ءونىمدى پايدالانا الادى جانە ينتەرنەت ساپاسىنا مونيتورينگ جۇرگىزە الادى. سەرۆيس براۋزەردە دە, Aitu ءموبيلدى قوسىمشاسى ارقىلى دا قولجەتىمدى, ونى PlayMarket جانە App Store دۇكەندەرىنەن جۇكتەۋگە بولادى. قوسىمشانى ازىرلەۋشىلەر BTS Digital قازاقستاندىق تسيفرلىق كومپانياسىنىڭ ماماندارى.
ء"بىزدىڭ باستى مىندەتىمىز – ينتەرنەت جىلدامدىعى بويىنشا ەڭ تومەن وڭىرلەردى انىقتاۋ. دەرەكتەر نەعۇرلىم كوپ جينالسا, جاعدايدى تۇزەتۋ ءۇشىن شارالار دالىرەك بولادى. ءبىز بارلىق قازاقستاندىقتاردى تەكسەرۋگە قاتىسۋعا شاقىرامىز. مۇندا كۇردەلى ەشتەڭە جوق, جەلىنى بىرنەشە رەت باسۋ ارقىلى باقىلاۋعا بولادى", – دەپ ءتۇسىندىردى bailanys.bar سەرۆيسىنىڭ جەتەكشىسى ۆلاديمير فيدلەر.
بۇل قازاقستان تاريحىنداعى ينتەرنەت ساپاسىنا جۇيەلى تاۋەلسىز مونيتورينگ جۇرگىزۋدى ۇيىمداستىرۋعا جاسالعان العاشقى ارەكەت. وسى ۋاقىتقا دەيىن بارلىق زەرتتەۋلەر ءارتۇرلى زەرتتەۋلەردىڭ بىرىكتىرىلمەگەن دەرەكتەرى نەگىزىندە نەمەسە بايلانىس وپەراتورلارىنىڭ وزدەرى جاساعان. bailanys.bar سەرۆيسى وبەكتيۆتى دەرەكتەردى پايدالانۋشىلاردان تىكەلەي الۋعا مۇمكىندىك بەرەدى.
سەرۆيستى ازىرلەۋشىلەردىڭ باستاپقى كەزەڭدەگى جوسپارىندا - ەل بويىنشا ينتەرنەتتىڭ قولجەتىمدىلىگىنىڭ جالپى كورىنىسىن قالىپتاستىرۋ جانە جاعدايدى تۇزەتۋ بويىنشا قادامداردى انىقتاۋ. ەكىنشى كەزەڭدە تىكەلەي وتىنىشتەردى جىبەرۋ فۋنكتسياسىن ىسكە قوسۋ جوسپارلانۋدا – پايدالانۋشىلار ينتەرنەت جىلدامدىعىنا نەمەسە بايلانىس پروۆايدەرىنىڭ جۇمىسىنا ناقتى شاعىم جىبەرە الادى. بارلىق وتىنىشتەر تىكەلەي ءتسدياوم-دە قارالاتىن بولادى.